by Radha Paudel

कर्णाली

१ क फट्कार्ने जिबरोले भन्न सक्छ कर्णाली,

कालिकोट, जुम्ला, हुम्ला, मुगु , डोल्पा जिल्लाको कर्णाली ।

२ नेपालकै निशानी कोरी राख्ने उत्तरी सिमाको कर्णाली ,

कुटनैतिक, स्वाभिमानी नेपालीको प्रतिक हो कर्णाली ।

३ जरा, जरी, पात, पतकर सवै जडिवुटी सम्पन्न छ कर्णाली ,

संसारकै अग्लो ठाउँ धान फल्छ, बस्ती बस्छ कर्णाली ।

४ यार्सागुम्वा, गुचीच्याउ, संसारकै बिचित्र छ कर्णाली ,

हेर्दैजाउ, खोज्दैजाउ,विकासको मुल फुट्छ, कर्णाली ।

५ कोणधारी सल्ला हिउँदमा पनि ननङ्गेको हेर कर्णाली ,

रङहरुको मिश्रण, फुलैफुलको अत्तर छ, वनाउ कर्णाली ।

६ नौरङ्गी डाँफे नाच्छ, कस्तुरी घुम्छ वसाउदै कर्णाली ,

रातो, सेतो, लालीगुरास,मगमगाउँछ कर्णाली ।

७ सबैलाई सन्तोष, प्रेम र मायाको सागर कर्णाली ,

अनेकतामा एकता, विवधताको प्रतिक कर्णाली ।

८ भञ्ज्याङ् र चौरी, लेक र वेसी, डाँडाकाँडा पनि वैग्लै छ कर्णाली ,

पत्थर रसाउँछ, फुल्छ फल्छ, बसाउँछ, अच्चमको कर्णाली ।

९ मालिकै मालिका, कोटै कोटको सँगालो हो कर्णाली ,

भाषा, भाषिका, लय र संगीतको मुहान हो कर्णाली ।

१० रारा र से-फुक्सुन्डो, कुण्ड, र पहराहरुको कर्णाली ,

खुसाउने काञ्जिरोवा,पातरासी हिमाल, हिउँ पर्ने कर्णाली ।

११ सकिदैन यार्सागुम्वा, जडीबुटी, अचम्मै छ कर्णाली ,

विकासको विकल्पै विकल्प छ हेर कर्णाली ।

१२ पौरखी हात पाउँहरु सृष्टी र संरचनाको खानी कर्णाली ,

लगनशील,स्वाभलम्वी नेपालीको प्रतिक कर्णाली ।

१३ उद्योग धन्दा , कलकारखानाको संभावना छ कर्णाली ,

पर्यटन,व्यापार, व्यवसाय फस्टाउँछ आफैमा कर्णाली ।

१४ बिज्ञान आफ्नै छ, कुट्ने, पिस्ने, पेल्छ आफैमा कर्णाली ,

उर्जा आफनो झल र मल प्रकृति नितान्त बेग्लै कर्णाली ।

१५ नदेखाउँ सहानुभुति आफै बनाउँछौ हाम्रो कर्णाली ,

हाम्रै हक-अधिकार मुहार फेर्न कर्णाली ।

१६ ऋषीमुनीहरुको प्यारो, न्यानो तपोस्सी कर्णाली

वनाऔ, जोगाऔ कर्तव्य हाम्रै हो वनाउने कर्णाली ।

Previous Article
Next Article

Leave a Reply

Your email address will not be published.
*
*