by Radha Paudel
कर्णाली
फट्कार्ने जिबरोले भन्न सक्छ कर्णाली,
कालिकोट, जुम्ला, हुम्ला, मुगु , डोल्पा जिल्लाको कर्णाली ।
नेपालकै निशानी कोरी राख्ने उत्तरी सिमाको कर्णाली ,
कुटनैतिक, स्वाभिमानी नेपालीको प्रतिक हो कर्णाली ।
जरा, जरी, पात, पतकर सवै जडिवुटी सम्पन्न छ कर्णाली ,
संसारकै अग्लो ठाउँ धान फल्छ, बस्ती बस्छ कर्णाली ।
यार्सागुम्वा, गुचीच्याउ, संसारकै बिचित्र छ कर्णाली ,
हेर्दैजाउ, खोज्दैजाउ,विकासको मुल फुट्छ, कर्णाली ।
कोणधारी सल्ला हिउँदमा पनि ननङ्गेको हेर कर्णाली ,
रङहरुको मिश्रण, फुलैफुलको अत्तर छ, वनाउ कर्णाली ।
नौरङ्गी डाँफे नाच्छ, कस्तुरी घुम्छ वसाउदै कर्णाली ,
रातो, सेतो, लालीगुरास,मगमगाउँछ कर्णाली ।

७ सबैलाई
सन्तोष, प्रेम र मायाको सागर कर्णाली
अनेकतामा एकता, विवधताको प्रतिक कर्णाली ।
८. भञ्ज्याङ् र चौरी, लेक र वेसी, डाँडाकाँडा पनि वैग्लै छ कर्णाली ,
पत्थर रसाउँछ, फुल्छ फल्छ, बसाउँछ, अच्चमको कर्णाली ।
९. मालिकै मालिका, कोटै कोटको सँगालो हो कर्णाली ,
भाषा, भाषिका, लय र संगीतको मुहान हो कर्णाली ।

१०. रारा र से-फुक्सुन्डो, कुण्ड, र पहराहरुको कर्णाली ,
खुसाउने काञ्जिरोवा,पातरासी हिमाल, हिउँ पर्ने कर्णाली ।

११. सकिदैन यार्सागुम्वा, जडीबुटी, अचम्मै छ कर्णाली ,
विकासको विकल्पै विकल्प छ हेर कर्णाली ।
१२. पौरखी हात पाउँहरु सृष्टी र संरचनाको खानी कर्णाली ,
लगनशील,स्वाभलम्वी नेपालीको प्रतिक कर्णाली ।
१३. उद्योग धन्दा , कलकारखानाको संभावना छ कर्णाली ,
पर्यटन,व्यापार, व्यवसाय फस्टाउँछ आफैमा कर्णाली ।
१४. बिज्ञान आफ्नै छ, कुट्ने, पिस्ने, पेल्छ आफैमा कर्णाली ,
उर्जा आफनो झल र मल प्रकृति नितान्त बेग्लै कर्णाली ।
१५. नदेखाउँ सहानुभुति आफै बनाउँछौ हाम्रो कर्णाली ,
छ हाम्रै हक-अधिकार मुहार फेर्न कर्णाली ।
१६. ऋषीमुनीहरुको प्यारो, न्यानो तपोस्सी कर्णाली
वनाऔ, जोगाऔ कर्तव्य हाम्रै हो वनाउने कर्णाली ।
Next Article

Leave a Reply

Your email address will not be published.
*
*